Reproducimos unha antiga gaita alistana que achamos en La Torre de Aliste grazas ao noso amigo Jes\u00fas \u00c1ngel Santiago, quen nos ten axudado a documentar as gaitas antigas de toda a comarca alistana. Temos varios punteiros documentados e replicamos dous deles: un fabricado por Modesto Mata, case en Si natural, e outro, moi antigo, que achamos en San Juan del Rebollar grazas a Luis Pedraza, cunha t\u00f3nica moi pr\u00f3xima ao Do. Levan palletas de cana moi pequenas, feitas coa parte branda da cana, tam\u00e9n r\u00e9plicas das que documentamos nesta zona, na que, por certo, aparecen moitas palletas fabricadas de corno, de madeira de urz ou mesmo buxo, lembranza quiz\u00e1is dun tempo no que a cana non exist\u00eda.<\/p>\n
As gaitas alistanas te\u00f1en moito m\u00e1is que ver coas gaitas mirandesas e brigantinas que coas sanabresas, pois os seus punteiros \u00e1chanse afinados no que denominamos modo portugu\u00e9s, \u00e9 dicir, te\u00f1en o terceiro grao neutro e unha subt\u00f3nica algo elevada, polo resto, a s\u00faa escala aprox\u00edmase bastante ao temperamento igual, se ben nalg\u00fans gaiteiros, por veces, podemos escoitar sextos graos moi rebaixados. A explicacion a este fen\u00f3meno, as\u00ed como o son desta gaita pod\u00e9delos escoitar neste v\u00eddeo.<\/p>\n
<\/p>\n