Descripción
A familia de Manuel Pousa, que foi o derradeiro gaiteiro de barquín de Galiza, conserva as súas gaitas. Son fermosos e antigos instrumentos que corresponden a unha tipoloxía que se extinguiu arredor dos anos 1920: a gaita de barquín. Trátase de instrumentos que teñen a característica de posuír dous bordóns, o orneón e o ornillo, sobre o ombreiro saíndo da mesma buxa. Esta tipoloxía fíxose frecuente en toda Europa arredor do século XVI. Dende Redondela cara ao Baixo Miño abundaron este tipo de gaitas de dobre bordón e no Baixo Miño aparecen alimentadas cun fol mecánico, o barquín, de aí o nome que recibían por parte dos portadores: gaitas de barquín.
O punteiro emprega palletas propias da zona occidental galega, grandes, cadradas e con xugo metálico; ten un son excelente e toca con axilidade. A súa escala é un modo de Do coa sensible baixa e un terceiro grao tamén bastante grave, está deseñado para tocar con dixitación aberta.
Compra por encomenda
Debido ás características das réplicas das gaitas de fol antigas, estas non teñen un prezo fixo asignado, que dependerá do tipo de madeira e outras características estéticas que podes escoller como anelados en diferentes materiais, freques ou reberetados dos vestidos. Todas as réplicas de gaitas de fol teñen unha demora que depende da nosa lista de espera. Consulta con nós para saber máis.
Galego 
Español
Reseñas
Aínda non hai valoracións.