Gaita de fol en Sol

Descripción

Esta gaita está baseada nas gaitas das Terra Cha, o seu punteiro emprega palletas moito máis grandes que as palletas de Sol estándar, unhas palletas que nós mesmos desenvolvemos, é por iso que ten un son moito máis potente e rico en harmónicos que as gaitas en Sol derivadas do modelo que construía Basilio Carril. A súa escala é temperada e perfectamente cromática, é lixeiro na emisión das notas e fácil de tocar. O roncón está redimensionado a partir dun exemplar antigo da Terra Cha, por canto seu son é moi potente e profundo. Esta gaita fabricámola tamén cun ronquillo de palleta afinado no seu quinto grao, ou sexa en Re, o que incrementa notablemente a súa harmonía.  

Compra por encomenda

Debido ás características das réplicas das gaitas de fol antigas, estas non teñen un prezo fixo asignado, que dependerá do tipo de madeira e outras características estéticas que podes escoller como anelados en diferentes materiais,  freques ou reberetados dos vestidos. Todas as réplicas de gaitas de fol teñen unha demora que depende da nosa lista de espera. Consulta con nós para saber máis.