Gaita Alistana

Descripción

Reproducimos unha antiga gaita alistana que achamos en La Torre de Aliste grazas ao noso amigo Jesús Ángel Santiago, quen nos ten axudado a documentar as gaitas antigas de toda a comarca alistana. Temos varios punteiros documentados, este que vos amosamos foi fabricado por Modesto Mata e vai fornecido con palletas fabricadas como antigamente se facía en Aliste, coa parte branda da cana ou tamén de madeira de buxo, como se facían antes da chegada da cana á península Ibérica, aló polo século XVI.

As gaitas alistanas teñen moito máis que ver coas gaitas mirandesas e brigantinas que coas sanabresas, pois os seus punteiros áchanse afinados no que denominamos modo portugués, é dicir, teñen o terceiro grao neutro e unha subtónica algo elevada, polo resto, a súa escala aproxímase bastante ao temperamento igual.

Podedes escoitar o seu son neste vídeo.