Pandeiretas de diámetro reducido

Descripción

Fabricamos pandeiretas de diámetros reducidos para nenas e nenos ou adultos que queiran instrumentos moi lixeiros, pois o seu peso é considerablemente máis baixo e son mais doadas de manexar para os máis pequenos. O peso pode aínda reducirse máis se se fabrican en madeira de ciprés. A súa calidade, non entanto, é a mesma que a pandeireta dun profesional.

Poden fornecerse con calquera dos modelos de ferreñas que fabricamos e tamén con calquera distribución das mesmas que che guste. O acabado da madeira pode ser tinguido ou natural como podedes ver nas fotografías. O prezo destas pandeiretas é de 100€, se fosen en madeira de ciprés, moito máis lixeiras, 120€. As ferreñas fabricadas en follalata branda ou temperadas incrementan o prezo (ver no apartado de opcións). Podes escoitar o son dos diferentes modelos de ferreñas e pandeiretas que fabricamos neste vídeo.