Tambores galegos

Descripción

Fabricamos os nosos tambores seguindo modelos antigos, con bordóns na pel inferior, na superior ou en ambas. Empregamos madeiras de arce, nogueira ou piñeiro do país, que pode ser tinguido ou con acabado natural. Tódalas madeiras remátanse con varias capas de aceite de liñaza, pois non empregamos bernizes sintéticos.

O noso modelo estándar de tambor ten 31 cm de diámetro, pero fabricámolos tamén de 28 e 38 cm; o diámetro non afecta ao prezo. Se queres un diámetro diferente ao estándar de 31 cm, ponte en contacto con nós.

Os prezos dos tambores dependen fundamentalmente da madeira empregada e do número de bordóns. Tamén se pode escoller entre ferros para tensar os bordóns labrados ou lisos, como podes ver nas fotografías. Os prezos que damos non inclúen nin a correa para colgalo do ombreiro, nin as baquetas. Se queres un tambor con control de harmónicos mediante un innovador sistema que temos deseñado, pódelo mercar aquí.

Un tambor básico, con bordón na pel inferior, en madeira de piñeiro do país tinguido ou con acabado natural e cun gancho para penduralo do cinto custaría  600€. Se queres penduralo ao xeito antigo, ou sexa cunha correa, podes mercala aquí.

Como podes ver no configurador de prezos, a madeira de nogueira ou arce, rematada con aceite de liñaza, incrementa o prezo básico en 50€. O tambor con dous bordóns, ou sexa con bordóns na pel superior e na inferior, incrementa o prezo básico en 100€. Os ferros para tensar os bordóns labrados a man incrementan o prezo básico en 40€ por tensor, ou sexa, 80€ no caso de ter bordóns nas dúas peles.

As baquetas suminístranse á parte, podes mercalas aquí.